ശരി?
നീ ചെയ്യുന്നതെന്തും.
തെറ്റോ?
മറ്റുള്ളവരുടെ ചെയ്തികളെല്ലാം.
നിന്റെ ശരികള്‍ മറ്റുള്ളവര്‍ക്ക് തെറ്റാകാം.
മറ്റുള്ളവരുടെ ശരികള്‍ നിനക്ക് തെറ്റുമാകാം.
അത് ശരിയുടേയും തെറ്റിന്റേയും കുഴപ്പം.
കുഴപ്പം നിന്റേതല്ലേയല്ല.
നിന്റെ തെറ്റുകള്‍ മറ്റൊരുവന്റെ ചുമലില്‍
മറ്റൊരുവന്റെ ശരി നിന്റെ ചുമലില്‍
അതായിരിക്കണം നിന്റെ ധര്‍മ്മം
അങ്ങിനെ നീയൊരു വല്ലിയ ശരിയാകും.
തിരിച്ചാണെങ്കിലോ നീ തന്നെയൊരു തെറ്റാകും.
സമൂഹം?
സമൂഹം. മണ്ണാങ്കട്ടി.
നിന്റെ ശരികള്‍ സമൂഹത്തിന് തെറ്റായി തോന്നാം.
അത് സമൂഹത്തിന്റെ ശരി.
സമൂഹം ഇന്നത്തെ തെറ്റിനെ ഒരിളുപ്പുമില്ലാതെ
നാളെ ശരിയെന്നു പറയും
ഇന്നത്തെ ശരിയെ നാളെ
തെറ്റെന്ന് പറയാനുംഇളുപ്പേതുമില്ല തന്നെ.
നിന്റെ ശരികളിലൂടെ നീ നീങ്ങുക.
മറ്റൊരുവന്റെ ശരികള്‍ക്കോപ്പം നീ നീങ്ങുമ്പോള്‍
നീയൊരു വല്ലിയ തെറ്റായി മാറും,
ചെരിപ്പിനൊപ്പം കാല്‍ മുറിക്കുമ്പോലെ.
ശരിയല്ല അല്ലേ?
ഞാന്‍...
- അഞ്ചല്ക്കാരന്
- ജയം കാംക്ഷിച്ച് തോല്വി സ്വന്തമാക്കുന്നവന്. പരാജയം പണം കൊടുത്ത് നേടുന്നവന്. അപചയത്തില് അഹങ്കരിയ്ക്കുന്നവന്. വടി കൊടുത്ത് അടി ഇരന്ന് വാങ്ങുന്നവന്..
ഈ വഴി വന്നു പോയവര്‍
No comments:
Post a Comment