Tuesday, June 19, 2007

പങ്കു കച്ചവടം...

ഉള്ളവനും ഇല്ലാത്തവനും തമ്മില്‍ പങ്കു കച്ചവടമരുത്.
ഉള്ളവനും ഇല്ലാത്തവനും തമ്മില്‍ പങ്കു കച്ചവടമായാല്‍
ഫലം-
ഉള്ളവന്‍ വീണ്ടും എല്ലാം ഉള്ളവനായി വളരുന്നതും
ഇല്ലാത്തവന്‍ ഒന്നുമില്ലാത്തവനായി മാറുന്നതുമാകും.

ഇല്ലാത്തവനാണ് നീയെങ്കില്‍
നിന്റെ കഴിവുകളില്‍ നിനക്ക് വിശ്വാസം ഉണ്ടാകണം.
നിന്റെ കഴിവുകളില്‍ നിനക്ക് വിശ്വാസമുണ്ടെങ്കില്‍
ഉള്ളവന്‍ നിന്നെ വിഴുങ്ങാന്‍ ശ്രമിച്ചാലും
നിന്റെ കഴിവുകള്‍ നിന്റെ രക്ഷക്കെത്തും.

ഇല്ലാത്തവനായ നിന്റെ കഴിവുകള്‍
നിനക്ക് മൂലധനമാവില്ല.
നിന്റെ മൂലധനം ഉള്ളവന്റെ ഔദാര്യവും
ഉള്ളവന്റെ മൂലധനം
നിന്റെ മേലുള്ള അധീശ്ശത്വവുമായിരിക്കും.

ഉള്ളവനല്പനെങ്കില്‍
നിന്റെ പങ്കുകാരന്‍ നിനക്ക് പങ്കുകാരനായിരിക്കില്ല.
ഇല്ലാത്തവനായ നീ നിന്റെ പങ്കുകാരനെ ഉടമയായി കാണണം
പങ്കു കച്ചവടത്തിന്റെ ഉടമയായിട്ടല്ല-
നിന്റെ ഉടമയായി.
എന്തെന്നാല്‍ ഇല്ലാത്തവനായ നീ
നിന്റെ ഉള്ളവാനായ പങ്കുകാരന്റെ അടിമയല്ലോ..

1 comment:

അഞ്ചല്‍ക്കാരന്‍ said...

ഉള്ളവനും ഇല്ലാത്തവനും തമ്മില്‍ പങ്കു കച്ചവടമരുത്.
ഉള്ളവനും ഇല്ലാത്തവനും തമ്മില്‍ പങ്കു കച്ചവടമായാല്‍
ഫലം-
ഉള്ളവന്‍ വീണ്ടും എല്ലാം ഉള്ളവനായി വളരുന്നതും
ഇല്ലാത്തവന്‍ ഒന്നുമില്ലാത്തവനായി മാറുന്നതുമാകും.